माइक्रोसफ्टका संस्थापक बिल गेट्स फेरी संसारकै धनी व्यक्ति बनेका छन् । ६४ वर्षका उनी दुई वर्षपछि धनी व्यक्तिको १ नम्बरमा फर्किएका हुन् । उनको सम्पती १ सय १० अर्ब अमेरिकी डलर छ ।
सन् २०१७ मा गेट्सलाई उछिन्दै अमेजनका मालिक जेफ बेजोस सबैभन्दा धनी बनेका थिए । तर, अहिले भने उनी दोस्रो नम्बरमा परेका छन् । उनीसँग १ सय ९ अर्ब अमेरिकी डलर छ ।
धनी व्यक्तिको तेस्रो नम्बरमा फ्रान्सको एलबीउमएच कम्पनीका मालिक बर्नार्ड अरनाल्ट, चौथो स्थानमा वारेन वफे र फेसबुकका सिइओ मार्क जुकरबर्ग पाँचौ स्थानमा छन् ।