दिल्लीका मुख्यमन्त्री अरविन्द केजरीवालको मङ्गलबार गरीएको कोभिड–१९ परीक्षणको नतिजा नेगेटिभ आएको छ ।
आइतबारदेखि हल्का ज्वरो र घाँटी दुख्ने समस्याजस्ता कोभिड–१९ का विरामीसँग मिल्ने लक्षणहरू देखिएपछि पिसिआर परीक्षणका लागि नमूना सङ्कलन भएको थियो ।
केजरिवाल सोमबारदेखि सार्वजनिक कार्यक्रममा सहभागी भएका छैनान् । उनी समुदायबाट अलग बसेको भारतीय सञ्चार माध्यामहरुले जनाएका छन् । स्वास्थ्य मन्त्रालयका अनुसार दिल्लीमा मङ्गलबारसम्ममा २९ हजार ९४३ व्यक्ति कोभिड–१९ बाट सङ्क्रमित भएका छन् भने ८७४ सङ्क्रमित व्यक्तिको मृत्यु भएको छ ।
दिल्लीमा उपचारपछि घर फर्किने विरामीको सङ्ख्या ११ हजार ३५७ रहेको छ भने हाल १७ हजार ७१२ सङ्क्रमित व्यक्तिले विभिन्न अस्पतालहरूमा सेवा लिइरहेका छन् ।