अस्पताल संबेदनशिल क्षेत्र हो । व्यक्तिको स्वास्थ्य संग प्रत्यक्ष सरोकार रहेको अस्पतालमा हदैसम्मको लापरबाही हुने गरेको त हामीले सुन्दै आएका छौ । नेपालमा मात्रै होइन छिमेकी मुलुक भारतमा पनि यस्तै प्रवृति छ ।
भारतमा सरकारी अस्पताल निकै अस्तव्यस्त हुने गरेका छन् । मेडिकल स्टाफको लपारबाही र वेवास्ताका कारण ती अस्पतालमा बिरामीहरुले निकै सास्ती पाउने गरेका छन् ।
हालै दिल्लीका उपमुख्यमन्त्री मनिस सिसोडियाले एक अस्पतालका कर्मचारीको कोठामै गएर रंगेहात पक्रेका छन् । मनिस बुधबार दिल्लीस्थित सरकारी अस्पालको आकस्मिक निरीक्षणमा जाँदा अस्पतालका एक कर्मचारी आनन्दसँग चलचित्र हेरिरहेका थिए । अर्कोतर्फ अस्पतालमा जाँच्नका लागि बिरामीहरुको लामो भिड लागेको थियो । उप मुख्यमन्त्री मनिस कर्मचारीको कोठामै पुगेर उसको काँधमा ढ्याप मार्दा कर्मचारी तर्सिएका थिए ।
कर्मचारीको हर्कतले क्रुद्ध भएका मनिसले उनलाई वर्खास्त गरेका छन् । रेकर्ड समेत गरिएको सो भिडियो आम आद्मी पार्टीको फेसबुक पेजमा राखिएको छ । भिडियो सामजिक सञ्जालमा भाईरल बनिरहेको छ ।
हेर्नुस भिडियो
