भारतको नयाँ राष्ट्रपतिमा रामनाथ कोविंद बिजयी भएका छन् । आज भएको मतगणनामा सत्तापक्ष बिजेपी गठबन्धनका उम्मेदवार कोविंद करिब २ तिहाई मत ल्याएर बिजयी हासिल गरेका हुन् ।
बिपक्षी गठबन्धनका उम्मेदवार मीरा कुमारले ३४ प्रतिशत मत प्राप्त गर्दा कोबिन्दले ६६ प्रतिशत मत पाए । कोविंदले ७ लाख २ हजार ४४ भोट पाएका थिए भने मिरा कुमारले ३ लाख ६७ हजार ३ सय १४ भोट पाईन । संसदबाट भने कोविंदले ५२२ सांसदबाट ३ लाख ६९ हजार ५ सय ७६ मत पाए भने मिराले २२५ सांसदबाट १ लाख ५९ हजार ३ सय मत पाईन । मतदान भने गत सोमबार भएको थियो ।
मतगणनाको औपचारिक घोषणा भने हुन् बाँकी छ।
भारतको १४ औ राष्ट्रपतिमा निर्बाचित ७१ बर्षिय रामनाथ उत्तर प्रदेशका दलित परिवारका हुन् ।
