जनताको जलविद्युत कार्यक्रम अन्तर्गत त्रिशुली जलविद्युत कम्पनी लिमिटेडले आज चैत्र ७ गतेदेखि आईपिओ बिक्रि खुला गरेको छ । कम्पनीले ३७ मेगावाटको माथिल्लो त्रिशुली थ्री बि आयोजना निर्माण गरिरहेको छ । शुरुमा १० प्रतिशत अर्थात १० रुपैयाँ मात्र बुझाए हुने यस कम्पनीको शेयर वापतको बाँकी रकम कम्पनीले माग गरेको बखत बुझाउनुपर्नेछ । बिक्री भएको धितोपत्र कारोबारयोग्य नहुँदासम्मको लागि वार्षिक ८ प्रतिशत ब्याज दिने व्यवस्था रहेको छ । उक्त व्याज रकम पछि चुक्ता गर्नुपर्ने रकममा मिलान गर्न सकिनेछ । सम्पूर्ण रकम चुक्ता नभएसम्म खरिद-बिक्रीमा बन्देज रहने छ ।
कम्पनीबारे जानकारी
विषय |
विवरण |
जारी पूँजी |
२ अर्ब ४७ करोड |
जारी हुने कित्ता |
३७ करोड ५ हजार |
आयोजनाको कुल लागत |
८ अर्व २२ करोड (निर्माण अवधिको व्याज सहित) |
प्रतिमेगावाट लागत |
२२ करोड २३ लाख |
जडित क्षमता |
३७ मेगावाट |
ग्रिड कनेक्सन |
त्रिशुली हब |
प्रतिशेयर नेटवर्थ (आव २०७४/७५) |
रु. ९१.१४ |
व्यापारिक उत्पादन मिति |
२०७८ फाल्गुन १७ गते |
मूल्य वृद्धि |
व्यापारिक उत्पादन शुरु हुने मितिबाट १ वर्ष
पुगेको महिनाको लगत्तै पछिको महिनादेखि लागु हुनेगरी वर्षको ३ प्रतिशतका दरले ८
पटकसम्म |
व्यापारिक उत्पादन शुरु हुने मिति कायम भएको
महिना लगत्तै पछिको महिनालाई पहिलो महिना मानी अवधि गणना हुने आधारमा ९७औं |
हिउँदमा १०.४२ रु. र वर्खामा रु. ५.९५ |
वार्षिक उर्जा |
२९ करोड २५ लाख युनिट |
हिउँद |
उल्लेख नभएको |
वर्खा |
उल्लेख नभएको |
प्रसारण लाइन |
विद्युतगृहबाट त्रिशुली
हबसम्म ३ किमि |
आवेदन खुल्ने मिति |
२०७५ चैत्र ७ गते |
आवेदन दिने अन्तिम मिति |
छिटोमा फागुन चैत्र ११ गते र २०७६
बैशाख ६ गते |
अधिकतम आवेदन गर्न सकिने कित्ता |
८०,००० कित्ता |
न्यूनतम आवेदन गर्न सकिने कित्ता |
१०० कित्ता |
रेटिंग |
छुट प्राप्त |
बुझाउनुपर्ने रकम |
प्रतिकित्ता १०
रुपैयाँका दरले |
पूँजीको उपयोग
कम्पनीले शेयरबाट प्राप्त
हुने रकम निम्न बमोजिम खर्च गर्ने प्रस्ताव गरेको छ ।
शिर्षक |
रकम |
आयोजना निर्माण कार्य (सिभिल,
इलेक्ट्रोमेकानिकल हाइड्रोमेकानिकल तथा ट्रान्समिसन लाइनको कार्यमा) |
२,५९,३५,००० |
परामर्श सेवा |
७४,१०,००० |
प्रशासनिक खर्च |
३७,९५,००० |
जम्मा |
३,७०,५०,००० |
नाफा-नोक्सान
आयोजना निर्माणको क्रममा रहेको हुँदा आम्दानी कम्पनीले व्यापारिक उत्पादन शुरु गरेको छैन । कम्पनीको आर्थिक वर्ष २०७४/७५ को परिष्कृत वित्तीय विवरण अनुसार १ करोड २१ लाख संचित घाटामा रहेको छ । कम्पनीले प्रवर्द्धन गरेको आयोजना निर्माणाधीन अवस्थामा रहेको हुँदा आम्दानी शून्य रहको तर प्रशासनिक खर्चले गर्दा संचित घाटामा देखिएको हो ।
यो पनि: लागत होइन युनिट हेरौ, सुरुमा १५ प्रतिशतसम्म लाभांश दिन सक्छौ: एमडी, त्रिशुलीहाइड्रो (अन्तवार्ता) |
कम्पनीले आर्थिक वर्ष २०७८/७९ मा व्यापारिक उत्पादन गर्ने लक्ष्य निर्धारण गरेको छ । उक्त वर्ष ७७ करोडको बिक्रि आम्दानी हुने र सबै खर्च कटाएर २७ करोड २४ लाख नाफा गर्ने प्रक्षेपण गरेको छ । यसै साल संचित घाटा पुरा भइ नेटवर्थ १ सय ५ हुने अनुमान पेश गरेको छ । आर्थिक वर्ष २०७९/८० मा १ अर्व ९० करोडको विद्युत बिक्री हुने अनुमान रहेको छ । यस वर्ष सबै खर्च कटाएर लाभांश समेत वितरण गरी ४६ करोड ५० लाख संचित नाफा हुने अनुमान गरेको छ । यसै आर्थिक वर्षमा १५ प्रतिशत लाभांश बाँड्न सक्ने अनुमान गरेको छ ।
प्रक्षेपण र वास्तविकता
कम्पनीको प्रक्षेपण हेर्दा अति महत्वाकांक्षी लाग्छ । माथिल्लो त्रिशुली थ्री ‘ए’ को क्यास्केड आयोजना भए पनि लागत अधिक देखिएको छ । इन्टेक लगायतका कुनै पनि संरचना निर्माण गर्नु नपर्ने आयोजनाले निर्माण लागत अधिक देखाएकोले लगानीकर्तालाइ आकर्षण दिनकै लागि अति महत्वाकांक्षी आय विवरण पेश गरेको जस्तो देखिन्छ । लगभग आधा संरचना निर्माण गर्नु नपर्ने भए पनि ३ वर्षको निर्माण समय लिईएको छ । बढी समय र महँगो लागत भए पनि आय विवरणमा राम्रैसँग ‘विन्डो ड्रेसिंग’ देखिएको छ । प्रस्तावित लाभांश पनि शंकाको घेरामा रहेको छ । पहिलो कुरा त यसको उर्जाको अंक नै विश्वासिलो देखिन्न । उर्जाको अंक नै विश्वासिलो नभए पछि बिक्री आम्दानी पनि शंकाको घेरामा पर्छ । प्रक्षेपण गरिएको वित्तीय विवरणमा ब्याज खर्च झन्डै ५२ करोड हुने देखाइएको छ । ऋणको अंक ५ अर्व रहेको छ । ऋणको व्याजदर औसत १० प्रतिशत आधार लिइएको छ । ऋणको व्याज, प्रशासनिक खर्च र लाभांश पनि दिएर ४६ करोड बचत (संचित) हुने प्रक्षेपणमा ऋणको किस्ता रकम कति हो उल्लेख छैन ।
लगानी निर्णय
शेयर लगानी गरेर आजको भोलि
फाइदा लिईहाल्छु भन्नेको लागि यसमा लगानी गर्नु उपयुक्त नहुन सक्छ । यसको सूचीकरण
तत्काल हुने छैन । तर सूचीकरण नहुन्जेल ८ प्रतिशत व्याज दिने भनिएको छ ।
त्यतिबेलासम्म प्राप्त हुने व्याज रकम पूँजीकृत हुनेछ अर्थात बुझाउन बाँकी रहेको
९० प्रतिशत रकममा कटाउन सकिनेछ । व्याजले नधानेको रकम भने शेयरधनीले बुझाउनुपर्नेछ
। कथम माग गरेको बखत शेयरधनीले बुझाउन नसकेमा बुझाएको रकम बराबरको शेयर कित्ता
कायम गरि बाँकी शेयर कम्पनीले जफत गरि लिलामी गर्नेछ । तर यसमा विशेष प्रवन्ध
अपनाएमा जफत नहुन पनि सक्छ । तर सामान्य सिद्धान्त अनुसार भने जफत हुन्छ ।
उदाहरणको लागि कुनै व्यक्तिले १ सय कित्ताको लागि आवेदन गर्यो र त्यति नै
बाँडफाँडमा परेमा पछि माग भएको बेला बाँकी ९ हजार बुझाएमा उसको पुरा कित्ता संख्या
१ सय हुनेछ । र मानौं एक वर्ष पछि यस्तो रकम माग भएमा वर्षको ८ प्रतिशत व्याजको
हिसाबले शुरुमा बुझाइएको १ हजारको व्याज रकम ८० रुपैयाँ हुनेछ । माग हुँदा यो ८०
रुपैयाँ रकम कटाएर बाँकी ८ हजार ९ सय २० रुपैयाँ बुझाउनुपर्ने हुन्छ ।
यो विश्लेषण कम्पनीले प्रकाशन गरेको विवरणपत्र, कम्पनीको वेवसाइट, अनौपचारिक जानकारी र अन्य प्रकाशित समाचारलाइ आधार मानेर पारिएको हो । यसले लगानी गर्न वा नगर्न कुनै सल्लाह दिंदैन । लगानी निर्णय आफ्नै हुन्छ । नेपाल स्टक एक्सचेन्जमा यसको कारोबार कहिलेबाट शुरु हुन्छ अनिश्चित छ । अहिल्यै कारोबार नखुल्ने र कुनै प्रकारले हक हस्तान्तरण गर्न नसकिने हुँदा यसमा लगानी गर्दा आफ्नो अनुकुलता लगानी गहन गर्न सक्ने क्षमता आदिको बारेमा आफैले स्वविश्लेषण गर्नु जरुरी हुन्छ । यो पूर्ण विश्लेषण हैन, विश्लेषण गर्न सहयोग मात्र गर्छ ।
यो पनि :