भारित औसत लाभकर गणनामा देखिएको समस्या समाधान गर्ने उदेश्यले सोमबार बसेको सरोकारवालाहरुको बैठक पनि बिना निष्कर्ष टुंगिएको छ। सोमबार लगानीकर्ता-सिडीएससी, सिडीएस-नेप्से- धितोपत्र बोर्डको छुट्टाछुट्टै बैठक बस्यो । साथै मन्त्रालयमा समेत सबै सरोकारवालाको बैठक बस्यो । तर निकाश भने निस्किएँन ।
अर्थ मन्त्रालयमा राजश्व सचिव लाल शंकर घिमिरेले सम्पूर्ण सरोकारवालाहरुको बैठक बोलाएका थिए ।तर बैठकले केहि निर्णय गर्न सकेन। यो समस्या समाधान मंगलबार महालेखापरीक्षकको कार्यालय र आन्तरिक राजश्व विभागका प्रतिनिधि समेत राखेर पुन बैठक बस्ने सहमति भएको बैठकमा सहभागी भएकी नेपाल पुँजीबजार लगानीकर्ता संघकी अध्यक्ष राधा पोखरेलले जानकारी दिईन ।
मंगलबारको बैठकले भारित औसत लागत निर्धारणको लागि कट अफ मूल्य तोक्ने सम्भावना रहेको छ । कट मिति तोकिए हालको समस्या समाधान हुने नेप्से, धितोपत्र बोर्ड, सिडीएस र लगानीकर्ताको बिश्वास छ ।