जनउत्थान सामुदायिक लघुवित्त Janautthan Samudayic Laghubitta Bikas Bank Limited ले सम्पूर्ण कर्मचारीको कोरोना बीमा गाराएको छ । कर्मचारीहरुको मनोवल वृद्धि गर्ने उदेश्यका साथ संस्थाले आफ्ना सम्पूर्ण २०१ जना कर्मचारीको कोरोना बीमा गराएको जनाएको हो ।
संस्थाले प्रति कर्मचारी एक लाख रुपैयाँको कोरोना बीमा शिखर इन्स्योरेन्स मार्फत गराएको जनाएको छ । उक्त बीमा लेख कायम रहेको अवधिमा कोरोना बीमा दावीका लागि कोरोना भाइरस पिसिआर परीक्षण भई संक्रमित भएको प्रमाणित भएमा कर्मचारीले तोकिएको बीमाङ्क रकम प्राप्त गर्ने सक्ने कम्पनीले जनाएको छ ।
संस्थाले पूर्वको पर्सा देखि पश्चिमको कञ्चनपुर सम्मका तराईका ११ वटा जिल्लाहरु र सोही जिल्लाहरु सँग जोडिएका पहाडका ८ वटा जिल्लाहरु गरी जम्मा १९ वटा जिल्लामा ३९ वटा शाखा कार्यालयहरु मार्फत सेवा दिदै आइरहेको छ ।
