लक्ष्मी लघुवित्त वित्तीय संस्था Laxmi Laghubitta Bittiya Sanstha ले १३ प्रतिशत वार्षिक ब्याजदरमा कर्जा दिने भएको छ । संस्थाले आफ्नो १०औँ वार्षिक उत्सवको अवसरमा १३ प्रतिशतको दरमा लघु उद्यम कर्जा दिने भएको हो ।
संस्थाले बार्षिकोत्सवको अवसरमा ग्राहक सदस्यहरुलाई धितो सुरक्षणमा आधारित कर्जाको ब्याजदर १५ प्रतिशतबाट घटाई वार्षिक १३ प्रतिशत कायम गरेको छ ।
यस्तै सस्थाले वार्षिकोत्सवको अवसरमा बृद्धबृद्धा आश्रमलाई खाद्य सामाग्री तथा लत्ताकपडा वितरण पनि गरेको छ । संस्थाले काठमाण्डौको बुढानिलकण्ठमा रहेको पवित्र समाज नेपालद्धारा सञ्चालित अनाथ बालबालिका तथा बृद्धबृद्धा आश्रमलाई खाद्य सामाग्री तथा लत्ता कपडा वितरण गरेको हो ।
संस्थाले २०६९ जेष्ठ २२ गतेबाट नुवाकोटको बट्टारबाट लघुवित्त कारोवार शुरु हो । संस्थाको हाल देशभर ५२ जिल्लाहरुमा ७२ वटा शाखा कार्यालयहरु रहेका छन् ।