पुर्णिमा विकास बैंकले लाभांश घोषणा गरेको छ । बैंकको असोज २ गते सोमबार बसेको संचालक समितिको बैठकले आर्थिक बर्ष ७३/७४ को मुनाफाबाट ८ करोड ९० लाखको लाभांश वितरण गर्ने प्रस्ताव गरेको हो ।
बैंकले ८ करोड ४५ लाख ५० हजारको बोनस शेयर र बोनस शेयरको कर प्रयोजनार्थ ४४ लाख ५० हजारको नगद लाभांश प्रस्ताव गरेको हो ।
उक्त प्रस्ताव नेपाल राष्ट्र बैंकले स्वीकृति दिएपछि र बैंकको आगामी साधारणसभाले पारित गरेपछि वितरण हुनेछ ।
बैंकले गत असार १९ गतेदेखि २५ प्रतिशत हकप्रद बिक्रि गरेको थियो । २५ प्रतिशत हकप्रद बिक्रि तथा बितरण पश्चात बैंकको चुक्ता पुंजी ४४ करोड ४ लाख पुगेको थियो । प्रस्तावित बोनस वितरण पछि बैंकको चुक्ता पुंजी ५२ करोड ८५ लाख पुग्ने छ ।