कामना सेवा विकास बैंक (साबिकको कामना बिकास बैंक) ले अवितरित हकप्रद शेयर लिलाम बढाबढ मार्फत बिक्रि गरेको छ। बैंकले असोज ८ देखि असोज २२ सम्म शेयर लिलाममा राखेको थियो।
बैंकले यस गहिको लिलाममा बिक्रि नभएको १८ हजार ३ सय ६७ कित्ता साधारण शेयर र ४५ हजार ५ सय ८७ दशमलव ६० कित्ता संस्थापक शेयर लिलाममा राखेको थियो ।
बिक्रि प्रबन्धक एनआइबिएल क्यापिटलमा बुधबार आवेदन खोलिएको थियो । साधारण शेयर तर्फ २०० मूल्य कबुल गर्नेले शेयर पाएका छन् भने संस्थापक शेयर तर्फ २२५ रुपियाँ कबुल गर्नेले शेयर पाएका छन् ।
पोखरा केन्द्रित कामना र बुटवल केन्द्रित सेवा बिकास बैंकले गत आर्थिक बर्ष क्रमश: १७ करोड ६५ लाख र १७ करोड २८ लाख खुद मुनाफा आर्जन गरेका छन। दुवै बिकास बैंक १ बराबर १ को स्वाप अनुपातमा मर्ज भई कामना सेवा बिकास बैंकको नाममा साउन २२ गतेदेखि एकीकृत कारोबार थालेका हुन्।
मर्ज पश्चात कामना सेवा विकास बैंकको चुक्ता पुंजी २ अर्ब ६ करोड पुगेको छ। नेपाल राष्ट्र बैंकको निर्देशन अनुसार राष्ट्रिय स्तरका बिकास बैंकहरुले २०७४ अन्तिम सम्म चुक्ता पुंजी २ अर्ब ५० करोड पुर्याउनु पर्नेहुन्छ। बैंकले ४४ करोड पुंजी थप गर्नुपर्नेछ।