नेपाल बंगलादेश बैंकको लाभांश सुरक्षित गर्ने आज अन्तिम दिन हो। बैंकले साधारणसभा प्रयोजनार्थ कात्तिक १३ देखि मङ्सिर ३ सम्मका लागि शेयरधनी दर्ता पुस्तिका बन्द गर्ने निर्णय गरेकाले आज अर्थात कात्तिक १२ सम्म कायम सेयरधनीहरुले मात्र एनबि बैंकको लाभांश प्राप्त गर्न र साधारणसभामा सहभागी हुन पाउनेछन।
बैंकले गत आर्थिक बर्षको कमाइबाट १२ प्रतिशत बोनस सेयर र कर प्रयोजनका लागि ३.७९ प्रतिशत नगद लाभांश वितरण गर्ने प्रस्ताब साधारणसभामा लैजादै छ। साधारण सभा मंसिर ३ गते राष्ट्रिय सभागृह, काठमाडौंमा बिहान ११ बजेदेखि सुरु हुनेछ।
१२ प्रतिशत बोनस सेयर बितरण पश्चात बैंकको चुक्ता पुंजी ८ अर्ब ८ करोड पुग्नेछ। हाल बैंकको चुक्ता पुंजी ७ अर्ब २२ करोड छ। बैंकले गत आर्थिक बर्ष १ अर्ब २० करोड रुपैयाँ खुद मुनाफा आर्जन गरेको छ।
