स्वाबलम्बन लघुवित्तले आगामी मङ्सिर २५ गते बार्षिक साधारणसभा गर्ने भएको छ । साधारणसभामा कम्पनीको संचालक समितिले पारित गरेको २० प्रतिशत बोनस शेयर र ११.५७ प्रतिशत नगद लाभांश प्रस्ताव पेश हुने छ ।
साधारणसभा प्रयोजनको लागि कम्पनीले कार्तिक २८ गते बुक क्लोज गर्ने निर्णय गरेको छ । कार्तिक २७ गतेसम्म कायम शेयरधनीले साधारणसभा भाग लिन र कम्पनीले प्रस्ताव गरेको लाभांश प्राप्त गर्न सक्ने छ ।
कम्पनीले गत आर्थिक बर्षमा २५ करोड ३ खुद नाफा कमाएको थियो । हाल कम्पनीको चुक्ता पुंजी ४१ करोड ८९ लाख रहेकोमा २० प्रतिशत बोनसपछि चुक्ता पुंजी ५० करोड २७ लाख पुग्ने छ ।
