साताको दोस्रो दिन सोमबार पनि बजार परिसूचक नेप्से दोहोरो अंकले बढेको छ । आज नेप्से सूचक १३.७४ अंकले बढेर १४९०.८८ को उचाईमा पुगेर रोकिएको छ । आज कारोबारमा आएका १५८ कम्पनीका १७ लाख ३० हजार ५ सय ७२ कित्ता शेयर खरिद बिक्रि बाट कुल ७१ करोड ४६ लाख ५७ हजार ४ सय ५९ रुपियाँको कारोबार भएको छ ।
आज गुराँस लाइफ इन्स्योरेन्सको संस्थापक शेयरको सबै भन्दा धेरै ११ करोड २४ लाख बराबरको कारोबार भएको छ । अन्य बढी कमाउनेमा प्रभु बैंक संस्थापक शेयर, चिलिमे हाइड्रो , नागरिक लगानी कोष, स्ट्याण्डर्ड चार्टर्ड बैंक लगायत रहेका छन् ।
आज कारोबारमा आएका समूह गत सूचक मध्ये होटेल र विकास बैंक बाहेकका सबै सूचक बढेका छन् ।
आज चिलिमे हाइड्रोका लगानीकर्ताले सर्बाधिक ८.१० प्रतिशत कमाएका छन् भने अन्य बढी कमाउनेमा लक्ष्मी लघुवित्त, सिनर्जी पावर, खानी खोला हाइड्रो लगायत रहेका छन् ।
आज प्रभु बैंकका संस्थापक तर्फका लगानीकर्ताले सर्बाधिक ६.३१ प्रतिशत गुमाएका छन् । अन्य बढी गुमाउनेमा तिनाउ विका बैंक, प्रोग्रेशिभ फाइनान्स, किसान माइक्रोफाइनान्स रहेका छन् ।