साताको दोस्रो दिन आज सोमबार पनि बजार परिसूचकक नेप्से घटेको छ । आज नेप्से सूचक ६.५६ अंकले घटेर १४६९.१६ को बिन्दुमा पुगेर रोकिएको छ । आज कारोबारमा आएका १६० कम्पनीका ११ लाख ४६ हजार ६ सय ९ कित्ता शेयर खरिद बिक्रि बाट कुल ३९ करोड ३८ लाख १७ हजार २ सय ६१ रुपियाँको कारोबार भएको छ ।
आज एभरेष्ट बैंकको सबै भन्दा धेरै २ करोड ६७ लाख बराबरको कारोबार भएको छ । अन्य बढी कारोबार हुनेमा सिभिल बैंक, स्ट्याण्डर्ड चार्टर्ड बैंक, नेपाल लाइफ इन्स्योरेन्स लगायत रहेका छन् ।
आज अन्य बाहेकका सबै समुहगत सूचक घटेका छन् ।
आज गरिन डेभलपमेन्ट बैंकका लगानीकर्ताले सर्बाधिक ९.९६ प्रतिशत कमाएका छन् । आज अरुण फाइनान्स, मल्टीपर्पोज फाइनान्स, लक्ष्मी लघुवित्त, कन्काई विकास बैंक लगायतले धेरै कमाएका छन् ।
आज नेपाल हाइड्रो डेभलपरको शेयर मूल्य सर्बाधिक ९ प्रतिशतले घटेको छ । आज सिर्जना फाइनान्स, बिशाल बजार कम्पनी, हिमालयन जनरल इन्स्योरेन्स, सिनर्जी पावर डेभलपमेन्ट बैंक लगायतले धेरै गुमाएका छन् ।