साताको पहिलो दिन आज आइतबार बजार परिसूचक नेप्से दोहोरो अंकले घटेको छ । आज नेप्से सूचक ११.०१ अंकले घटेर १५०९.१४ को बिन्दुमा पुगेर रोकिएको छ । आज कारोबारमा आएका १ सय ५८ कम्पनीका ११ लाख ६ हजार ३९ कित्ता शेयर खरिद बिक्रिबाट ५१ करोड १२ लाख १२ हजार १ सय ९२ रुपियाँको कारोबार भएको छ ।
आज नेपाल ग्रामिण विकास बैंक लिमिटेडको सबै भन्दा धेरै ६ करोड ५४ लाखको कारोबार भएको छ । अन्य बढि कारोबार हुनेमा ग्लोबल आईएमई बैंक, स्ट्याण्डर्ड चार्टर्ड बैंक, गरिमा विकास बैंक संस्थापक शेयर लगायत रहेका छन् ।
आज कारोबारमा आएका होटेल , उत्पादन र अन्य बाहेकका सबै समुहगत सूचक घटेका छन् ।
आज बोटलर्स नेपाल तराई लिमिटेडको शेयर मूल्य सर्बाधिक ८.३३ प्रतिशत बढेको छ कालिका माइक्रोक्रेडिट डेभलपमेन्ट बैंकको शेयर मूल्य सर्बाधिक ९.०९ प्रतिशतले घटेको छ ।