साताको दोस्रो दिन बजार परिसूचक नेप्से सामान्य अंकले घटेको छ । आज नेप्से सूचक ०.८९ अंकले घटेर १५०८.२५ को बिन्दुमा पुगेर रोकिएको छ । कारोबार अवधिमा एक समय ७ अंकले बढेको बजार रातो भएर बन्द भएको हो ।
आज कारोबारमा आएका १६३ कम्पनीका १२ लाख २५ हजार ५४ कित्ता शेयर खरिद बिक्रिबाट ५६ करोड ८३ लाख २१ हजार ७ सय ७९ रुपियाँको कारोबार भएको छ ।
आज स्ट्याण्डर्ड चार्टड बैंकको सबै भन्दा धेरै ३ करोड २० लाखको कारोबार भएको छ । अन्य बढी कारोबार हुनेमा नेपाल टेलिकम, नेपाल ग्रामिण विकास बैंक, प्राइम कमर्शियल बैंक, एभरेस्ट बैंक लगायत रहेका छन् ।
आज कारोबारमा आएका समुहगत सूचक मध्ये बैंकिंग, विकास बैंक र माइक्रोफाइनान्सका सूचक बाहेक सबै सूचक बढेका छन् ।
आज प्रोग्रेशिभ फाइनान्सका लगानीकर्ताले सर्बाधिक ६.९१ प्रतिशत कमाए भने ललितपुर फाइनान्सका लगानीकर्ताले सर्बाधिक ८ प्रतिशत गुमाए ।