हकप्रद निष्काशनको लागि प्रभु बैंकको बुक क्लोज मिति तय भएको छ । बैंकले १०:४ को अनुपातमा ४० प्रतिशत हकप्रद निष्काशन गर्न लागेको हो।
अब बैंकले २ अर्ब ३५ करोड बराबरको २ करोड ३५ लाख कित्ता हकप्रद शेयर निष्काशन गर्ने छ । हकप्रद निष्काशनको लागि सनराइज क्यापिटल मार्केट्स बिक्रि प्रबन्धक रहेको छ ।
हकप्रद निष्काशन प्रयोजनार्थ बैंकले पुस २१ गते बुक क्लोज गर्ने निर्णय गरेको छ । पुस २० गतेसम्म कायम शेयरधनीले मात्र हकप्रद भर्न सक्ने छन् ।
हाल बैंकको चुक्ता पुंजी ५ अर्ब ८८ करोड रहेकोमा ४० प्रतिशत हकप्रदपछि चुक्ता पुंजी ८ अर्ब २४ करोड पुग्ने छ ।
बैंकले चालु आर्थिक बर्षको पहिलो त्रैमासमा २५ करोड ७ लाख खुद नाफा कमाएको छ ।