साताको चौथो दिन आज बुधबार बजार परिसूचक नेप्से सामान्य अंकले बढेको छ । तिब्र उतार चढाव देखिएको नेप्से बजार बन्द हुँदा १.६९ अंकले बढेर १३९४.७३ को बिन्दुमा हरियो भएर बन्द भएको हो । आज कारोबारमा आएका १५६ कम्पनीका ९ लाख ३८ हजार ३ सय ८ कित्ता शेयर खरिद बिक्रिबाट १६ करोड १५ लाख २५ हजार ५ सय ५३ रुपियाँको कारोबार भएको छ ।
आज कारोबारमा आएका फाइनान्स, उत्पादन र माइक्रोफाइनान्स बाहेकका सबै सूचक बढेका छन् ।
आज नेपाल फाइनान्स लिमिटेडको संस्थापक शेयरको सबै भन्दा धेरै ३ करोड ५४ लाख बराबरको कारोबार भएको छ । अन्य बढी कारोबार हुनेमा नबिल बैंक, बुटवल पावर कम्पनी, स्ट्याण्डर्ड चार्टड बैंक, प्रभु बैंक लगायत रहेका छन् ।
आज एभरेस्ट इन्स्योरेन्सका लगानिकर्ताले सर्बाधिक ५.६४ प्रतिशत कमाएका छन् । अन्य बढी कमाउनेमा सिन्धु विकास बैंक, सिनर्जी पावर, देव विकास बैंक लगायत रहेका छन् । त्यस्तै आज हिमालयन डिस्टिलरीका लगानीकर्ताले सर्बाधिक ५.८ प्रतिशत गुमाएका छन् । अन्य बढी गुमाउनेमा समिट माइक्रोफाइनान्स, रिडी हाइड्रो, वल्ड मर्चेन्ट बैंकिंग एण्ड फाइनान्स लगायत रहेका छन् ।