ओम डेभलपमेन्ट बैंकको मुल्य समायोजन भएको छ । नेप्सेले आज सोमबार बैंकको सेयरमूल्य समायोजन गरेको हो ।
१७.६९ प्रतिशत बोनसमा मूल्य समायोजन भएको छ । समायोजनपछिको मूल्य १९७ रुपैयाँ कायम भएकाे छ । बैंकको १८० दिनको सेयर कारोबारको आधारमा औसत आधारमूल्य प्रतिकित्ता २७२ रुपैयाँ निर्धारण भएको छ ।
बैंकको बोनस शेयर सुरक्षित गर्ने हिजो अन्तिम दिन रहेको थियो । बैंकले फागुन २५ गते बार्षिक साधारण सभा आह्वान गरेको छ ।
हाल बैंकको चुक्ता पुंजी दुई अर्ब १३ करोड ७१ लाख रुपैयाँ रहेको छ । बोनसपछि बैंकको चुक्ता पुंजी दुई अर्ब ५१ करोड ५१ लाख रुपैयाँ पुग्नेछ ।
चालु आवको दोस्रो त्रैमासमा ओमले १५ करोड तीन लाख रुपैयाँ खुद नाफा कमाएको छ ।
