तारागाउँ रिजेन्सी होटलले आगामी चैत १२ गते साधारणसभा डाकेको छ । कम्पनीले त्रिभुवन आर्मी अफिसर्स क्लब भद्रकालीमा विहान ११ बजे २१ औ बार्षिक साधारण सभा आह्वान गरेको हो ।
साधारण सभामा कम्पनीको ७.३७ प्रतिशत नगद लाभांश प्रस्ताव पेश हुनेछ । प्रस्तावित लाभांश कम्पनीको साधारणसभाले पारित गरेपछि लगानीकर्तालाई वितरण हुनेछ ।
फागुन १६ गतेसम्म कायम शेयरधनीले साधारणसभामाभाग लिन र प्रस्तावित लाभांश प्राप्त गर्न सक्ने छन् ।
कम्पनीको पुस २ गते सम्पन्न बैठकले गत आवको कमाईबाट ७.३७ प्रतिशत अर्थात १४ करोड पाँच लाख ५५ हजार ७८६ रुपैयाँ नगद लाभांश वितरण गर्ने प्रस्ताव गरेको थियाे । कम्पनीले गत आवमा २८ करोड सात लाख ७२ हजार रुपैयाँ खुद नाफा कमाएको थियो ।
हाल कम्पनीको चुक्ता पूँजी एक अर्ब ८८ करोड ६६ लाख ५४ हजार रुपैयाँ रहेको छ ।
