साताको पहिलो दिन आज आइतबार शेयर बजार परिसूचक नेप्सेमा भारी अंकको गिरावट आएको छ । आज नेप्से परिसूचक ४१.५६ अंकले घटेर १३०४.४३ को बिन्दुमा पुगेर रोकिएको छ । आज कारोबारमा आएका १५१ कम्पनीका १३ लाख ११ हजार ९ सय ४८ कित्ता शेयर खरिद बिक्रिबाट ४८ करोड ३९ लाख ६७ हजार ५ सय ६ रुपियाँको कारोबार भएको छ ।
आज नेपाल लाइफ इन्स्योरेन्सको सर्बाधिक ३ करोड ३९ लाख बराबरको कारोबार भएको छ । अन्य बढी कारोबार हुनेमा नेपाल बैंक लिमिटेड, नेपाल इन्भेस्टमेन्ट बैंक संस्थापक शेयर , सानिमा बैंक , एभरेस्ट बैंक रहेका छन् ।
आज हिमालयन डिस्टिलरीको शेयर मूल्य सर्बाधिक १० प्रतिशतले घटेको छ । त्यस्तै बिशाल बजार कम्पनीको शेयर मूल्य ९.९७ प्रतिशतले घटेको छ ।
१४२ कम्पनीको शेयर मूल्य घटेको बजारमा २ कम्पनीका लगानीकर्ताले भने नाफा कमाएका छन् । सुर्योदय लघुवित्तका लगानीकर्ता ले ३.९३ प्रतिशत र स्वदेशी लघुवित्तका लगानीकर्ताले १.८६ प्रतिशत कमाएका छन् ।
आज कारोबारमा आएका सबै समुहगत सूचक घटेका छन् ।
