साताको चौथो दिन बुधबार बजार परिसूचक नेप्से सामान्य अंकले बढेको छ । आज नेप्से सूचक ३.१० अंकले बढेर १२७३.३३ को उचियामा पुगेर रोकिएको छ । आज कारोबारमा आएका १५८ कम्पनीका ८ लाख ५९ हजार २ सय ८२ कित्ता शेयर खरिद बिक्रिबाट २८ करोड ८४ लाख ७८ हजार ७ सय ७२ रुपैयाको कारोबार भएको छ ।
आज नबिल बैंकको सस्थापक शेयरको सबै भन्दा धेरै ३ करोड ५१ लाख बराबरको कारोबार भएको छ । अन्य बढी कारोबार हुनेमा ओम डेभलपमेन्ट बैंक, स्ट्याण्डर्ड चार्टर्ड बैंक, नेपाल लाइफ इन्स्योरेन्स, नबिल बैंक लगायत रहेका छन् ।
आज होटेल , विकास बैंक, फाइनान्स तथा अन्य बाहेकका सबै समुहगत सूचक बढेका छन् ।
आज नेपाल हाइड्रो डेभलपर्सका लगानीकर्ता सर्बाधिक ६.३२ तथा स्वोदेशी लघुवित्तका लगानीकर्ताले ५.९० प्रतिशत कमाएका छन् । त्यस्तै आज हिमालय डिस्टिलरीका लगानीकर्ताले सर्बाधिक ५.३८ प्रतिशत तथा गुर्खाज फाइनान्सका लगानीकर्ताले ४.९१ प्रतिशत गुमाएका छन् ।