रैराङ
हाइड्रोपावर डेभलपमेन्ट कम्पनीले सर्बसाधारणको लागि बैशाख ३१ गतेदेखि आईपिओ
निष्काशन गर्ने भएको छ । कम्पनी ८ करोड ४० लाख रुपैयाँ बराबरको ८ लाख ४० हजार
कित्ता आइपिओ निष्काशन गर्न लागेको हो । कम्पनीको सेयर बिक्री तथा निष्काशनका लागि एस
क्यापिटल लिमिटेड रहेको छ ।
८ लाख ४० हजार
कित्ता मध्ये ३३ हजार ६ सय कित्ता कर्मचारीको लागि सुरक्षित गरिएको छ भने ४२ हजार
कित्ता सामुहिक लगानी कोषहरुमा बाँडफांड गरिएको छ । बाँकि ७ लाख ६४ हजार ४ सय
कित्ताको लागि सर्बसाधारणले आवेदन दिन सक्ने छन् ।
लगानीकर्ताले
न्युनतम ५० कित्ता र अधिकतम ४२ सय कित्ताको लागि आवेदन दिन सक्ने छन् । लगानीकर्ताले
छिटोमा जेठ ३ गतेसम्म र ढिलोमा जेठ २९ गतेसम्म आवेदन दीईसक्नु पर्ने छ ।
कम्पनीले यस
अघि गत जेठमा आयोजना प्रभावित पाँचथर र ताप्लेजुङका
स्थानीयबासीका लागि ५ लाख ६० हजार कित्ता आइपीओ जारी गरेर बाँडफाँड समेत गरिसकेको
छ ।रैराङले पाँचथर र ताप्लेजुङको सिमा क्षेत्रमा ९.९ मेगावाटको इवाखोला जलविद्युत
आयोजना निमार्ण गरेको छ ।
कम्पनीको अधिकृत पुंजी १ अर्ब रहेको छ भने
चुक्ता पुंजी ४२ करोड रहेको छ । सर्बसाधारणलाई आईपियो निष्काशनपछि कम्पनीको चुक्ता
पुंजी ५६ करोड पुग्ने छ भने संस्थापक र सर्बसाधारणको शेयर स्वामित्व ७५:२५ पुग्ने
छ ।
