श्री इन्भेष्टमेन्ट एण्ड फाइनान्स कम्पनी लिमिटेडले लाभांश घोषणा गरेको छ । फाइनान्सको बैशाख २१ गते सम्पन्न सञ्चालक समितिको बैठकले गत आर्थिक बर्षको मुनाफाबाट लगानीकर्तालाई २६.५७ प्रतिशत बोनस वितरण गर्ने निर्णय गरेको हो ।
बैठकले चुक्ता पुजी ६३ करोड ६१ लाखको २६.५७ प्रतिशत अर्थात् १६ करोड ७९ लाख बराबरको बोनस वितरण गर्ने भएको हो । उक्त बोनस प्रस्ताव नेपाल राष्ट्र बैंकले अनुमति दिएपछि र कम्पनीको साधारणसभाले पारित गरेपछि लगानीकर्तामा वितरण हुनेछ ।
फाइनान्सले हालै जारी गरेको ८३ प्रतिशत हकप्रदले समेत बोनस पाउने छन् । बोनस वितरण पश्चात कम्पनीको चुक्ता पूँजी ८० करोड एक लाख रुपैयाँ पुग्नेछ ।
