नेपाल एग्रो माइक्रोफाइनान्स वित्तीय संस्था लिमिटेडले आईपिओ निष्काशन गर्ने भएको छ । कम्पनीले १०० अंकित दरका एक करोड ४४ लाख बराबरको १ लाख ४४ हजार कित्ता शेयर निष्काशन गर्ने भएको हो । शेयर निष्काशनको लागि कम्पनीले नेपाल एसबिआई मर्चेण्ट बैकिङ्ग लिमिटेडलाई निष्काशन तथा बिक्री प्रबन्धकमा नियुक्त गरेको छ ।
बिक्रि प्रबन्धक नियुक्ति सम्झौतामा नेपाल एसबिआई मर्चेण्ट बैंकिङ्ग लिमिटेडका तर्फबाट प्रबन्ध संचालक तथा प्रमुख कार्यकारी अधिकृत रमेश घिमिरे र नेपाल एग्रो माइक्रोफाइनान्स वित्तीय संस्था लिमिटेडको तर्फबाट प्रमुख कार्यकारी अधिकृत तेजेन्द्र शर्मा लम्सालले हस्ताक्षर गरेका हुन् ।
नेपाल एसबिआई मर्चेण्ट बैकिङ्ग लिमिटेड नेपाल एसबिआई बैक लिमिटेडको पूर्ण स्वामित्व भएको सहायक कम्पनी हो ।
नेपाल एग्रो माइक्रोफाइनान्स २०७३ मा स्थापना भएको हो । कम्पनीको मुख्य कार्यालय पोखरामा रहेको छ ।