काबेली विकास बैंकले लाभांश घोषणा गरेको छ । बैंकको आइतबार बसेको संचालक समितिको बैठकले लगानीकर्तालाई ३५ प्रतिशत बोनस दिने प्रस्ताव गरेको हो ।
बैठकले गत बर्षको मुनाफाबाट चुक्ता पुंजीको ३५ प्रतिशतको दरले ७ करोड ३७ लाख ६ हजार ६ सय ४० रुपैयाँ बराबरको बोनस वितरण गर्ने प्रस्ताव गरेको हो । बैंक मर्जमा गएको र मर्जमा गएको २ बर्षसम्म बोनसमा लाग्ने कर तिर्नु नपर्ने व्यबस्था भएकोले बैंकले नगद लाभांश भने प्रस्ताव गरेको छैन । काबेली र माउन्ट मकालु डेभलपमेन्ट बैंक एक आपसमा मर्ज गत जेठ २७ देखि एकीकृत कारोबार थालेका हुन् ।
हाल बैंकको चुक्ता पुंजी २१ करोड ५ लाख रहेकोमा प्रस्तावित बोनसपचि कम्पनीको चुक्ता पुंजी २८ करोड ४२ लाख पुग्ने छ ।
