८ महिनापछि आशा लघुवित्तले आईपिओ प्रस्ताव परिमार्जन गरेको छ । कम्पनीले गत पुसमा ३ करोड बराबरको ३ लाख कित्ता निष्काशन गर्ने भन्दै धितोपत्र बोर्डमा अनुमति माग गरेको थियो । तर कम्पनीले ८ महिनापछि प्रस्ताव परिमार्जन गर्दै पहिलेको भन्दा दोब्बर कित्ता शेयर निष्काशन गर्न लागेको हो ।
कम्पनीले भदौ १७ गते बोर्डमा ६ करोड बराबरको ६ लाख कित्ता शेयर निष्काशनको लागि अनुमति माग गरेको हो । अईपिओको निष्काशनको लागि प्रभु क्यापिटल बिक्रि प्रबन्धक रहेको छ।
हाल कम्पनीको चुक्ता पुनी १४ करोडरहेकोमा आईपिओ निष्काशनपछि कम्पनीको पुंजी २० करोड पुग्ने छ । राष्ट्रिय स्तरको यस कम्पनीको केन्द्रीय कार्यालय नुवाकोटमा रहेको छ ।