नेपाल स्टक एक्चेन्ज नेप्सेले हाल कारोबारमा देखिएको समस्या कारोबार प्रणालीको नभएको स्पष्ट परेको छ । अनलाइन ट्रेडिङ सुरु भएपछि अनेकौ आलोचना खेपेको नेप्सेले हालको समस्या कारोबार प्रणालीसँग नभई कारोबार विवरण प्रसारण गर्ने माध्यमको कारण भएको स्पष्ट पारेको हो ।
नेप्सेको कारोबार प्रणाली र वेवसाईट छुट्टा छुट्टै डेटा सेन्टरबाट सञ्चालन हुने र एप्लिकेशन प्रोग्राम इन्टरफेस (API) बाट नेप्सेको वेवसाइटमा डिस्प्ले गर्दा डेटा एक्सचेञ्जमा देखिएको समस्याले कारोबार विवरण प्रवाह गर्न नसकिएको नेप्सेले जनाएको छ । यहि कारण सर्वसाधारणले वेबसाइटबाट अध्यावधिक सूचना पाउन नसकेको र यो समस्या समाधान भईसकेको समेत नेप्सेले स्पष्ट पारेको छ ।
नयाँ प्रणालीमा हरेक ब्रोकर कम्पनीले अविछिन्न रुपमा कनेक्सन स्थापना गर्न नसकेका कारण एउटा र अर्कौ ब्रोकरमा कम्पनीको मूल्य फरक देखिएको हुनसक्ने नेप्सेले जनाएको छ । साथै नेप्सेले नयाँ प्रणाली स्थापनापछि पनि परिसूचक गणना संसारभरी प्रचलित पुरानै (भ्यालू वेटेड इनडेक्स्) विधिबाटै गणना भईरहेकोले त्यसमा कुनै समस्या नरहेकाे र द्विविधा नराख्न नेप्सेले आग्रह गरेको छ ।
हेर्नुस बिज्ञप्ति :
