आइतबार शेयरबजार परिसूचक नेप्से दोहोरो अंकले बढेको छ । आज नेप्से सूचक १०.८५ अंकले बढेर ११३१.७० को बिन्दुमा पुगेर रोकिएको छ । आज कारोबारमा आएका १ सय ५५ कम्पनीका ७ लाख १४ हजार ६ सय १८ कित्ता शेयर खरिद बिक्रिबाट २२ करोड ३७ लाख २४ हजार ६ सय ८७ रुपैयाँको कारोबार भएको छ ।
आज नेपाल बैंकको सबै भन्दा धेरै १ करोड ७७ लाख बराबरको कारोबार भएको छ । अन्य बढी कारोबार हुनेमा प्रभु बैंक, एनएमबि बैंक, नेपाल लाइफ इन्स्योरेन्स, एनआईसी एसिया बैंक, छिमेक लघुवित्त लगायत रहेका छन् ।
आज मिर्मिरे लघुवित्तका लगानीकर्ताले सर्बाधिक ५.६७ प्रतिशत कमाएका छन् । अन्य बढी कमाउनेमा बरुण हाइड्रो, एनआईसी एसिया बैंक, काबेली विकास बैंक, रिडी हाइड्रोपावर लगायत रहेका छन् । त्यस्तै आज लक्ष्मी इक्विटी फण्डका लगानीकर्ताले सर्बाधिक ७.४४ प्रतिशत गुमाएका छन् । अन्य बढी गुमाउनेमा लक्ष्मी लघुवित्त, मिथिला लघुवित्त, स्वदेशी लघुवित्त, नेशनल माइक्रोफाइनान्स लगायत रहेका छन् ।
आज कारोबारमा आएका फाइनान्स र उत्पादन बाहेक सबै समुहगत उपसुचक बढेका छन् ।
