पाँचथर पावर कम्पनी लिमिटेडले सोमबारदेखि निष्काशन गरेको आईपिओमा आवेदन दिने आज फागुन १७ गते अन्तिम दिन रहेको छ । कम्पनीको आईपिओमा आवेदन दिने हिजो फागुन १६ गते अन्तिम दिन रहेकोमा हिजो सरकारले सार्वजनिक विदा दिएकोले १७ गते सम्म आवेदन दिन मिल्ने गरी समय थप गरिएको थियो । हेलिकप्टर दुर्घटनामा पर्यटन मन्त्री रबिन्द्र अधिकारी सहित ७ जनाको निधन भएको शोकमा सरकारले सार्बजनिक विदा दिएको हो ।
कम्पनीको आईपिओमा बुधबार नै माग भन्दा बढीको आवेदन परेको छ । बुधबार बेलुकी ५ :४० सम्ममा ५० हजार आवेदकबाट २१ लाख ५० हजार कित्ताको लागि आवेदन परेको बिक्रि प्रबन्धक सानिमा क्यापिटलले जनाएको छ ।
कम्पनीले आयोजना प्रभावितलाई शेयर निष्काशन गर्दा बिक्रि नभएको ७ लाख ८७ हजार ७ सय ५० कित्ता समेत जोडेर सर्वसाधारणको लागि १७ लाख ५० हजार २ सय ५० कित्ता शेयर निष्काशन गरेको हो । जस मध्ये कर्मचरीलाई ३५ हजार ५ कित्ता, र सामुहिक लगानी कोषलाई ८७ हजार ५ सय १२ कित्ता बाँडफांड गरिएको छ । बाँकि रहेको १६ लाख २७ हजार ७ सय ३३ कित्ताको लागि सर्वसाधारणले आवेदन दिन सक्ने छन् । तेस्रो दिनसम्म २१ करोड ५० लाख रुपैयाँको आवेदन परेको हो ।
लगानीकर्ताले न्युनतम १० कित्ता र अधिकतम ९ सय ६ सय २० कित्तासम्म आवेदन दिन सक्ने छन् । कम्पनीको आईपिओले ग्रेड ४ को रेटिंग पाएको छ । यसले कम्पनीको आधारभूत पक्ष औसत भन्दा कमजोर रहेको जनाउछ ।
कम्पनीले पांचथरमा १४.९ मेगावाटको हेवा खोला ए आयोजना निर्माण गरी ७३ साल माघ २२ गतेदेखि विद्युत उत्पादन गरिरहेको छ ।
