सिद्धार्थ इन्स्योरेन्सको लाभाश पारित भएको छ । कम्पनीको असार १३ गते सम्पन्न साधारणसभाले १५.४८४३३ प्रतिशत बोनस शेयर पारित गरेको हो ।
साधारणसभाले पारित गरेसंगै अब लगानीकर्ताले १३ करोड ४० लाख ८१ हजार ६ सय ५० रुपैयाँ बराबरको बोनस शेयर प्राप्त गर्ने छन् । बोनसमा लाग्ने कर भने लगानीकर्ताले नै बेहोर्नु पर्ने भएको छ । बोनस वितरणपछि इन्स्योरेन्सको चुक्ता पूँजी एक अर्ब पुग्नेछ ।
सभाले कम्पनीको संचालकमा ३ जनालाई नियुक्त गरेको छ । सभाले शेयरधनीहरुको समुह 'क' तर्फबाट संचालक समितिमा रतनलाल केडिया, पवन कुमार अग्रवाल र राहुल अग्रवाललाई ४ वर्षको लागि निर्बिरोध चयन गरेको हो ।