नेपाल धितोपत्र बोर्डले मेरोशेयर सफ्टवेयरको सम्बन्धमा सिडीएससीलाई प्रष्टीकरण सोधेको छ । आवेदन गर्न खोज्दा सफ्टवेयर नखुली आवेदन गर्न नसकेको गुनासो आएपछि बोर्डले यसमा चासो दिएको हो ।
बोर्डले यस सम्बन्धमा सफ्टवेयर के कारणले नखुलेको र बारम्बार आउने त्रुटी सुधारको लागि के सुधारका योजना छन् भन्दै प्रष्टीकरण सोधेको हो । बोर्डले ३ दिन भित्र यसको जवाफ पेश गर्न निर्देशन दिएको छ ।
सिडीएसले भने आफ्नो सफ्टवेयर कुनै समस्या नरहेको बताउदै आएको छ । बोर्डको पत्र मंगलबार नै प्राप्त भएकोले समयसीमा भित्र नै जवाफ पठाउने सिडीएसले जनाएको छ ।