आगामी मंगलबारबाट नेपाल स्टक एक्सचेन्ज नेप्सेमा शेयर कारोबार सुचारु हुने भएको छ । सरकारले लकडाउनलाई केहि खुकुलो बनाएर बैंक तथा वित्तीय क्षेत्र, बिमा र धितोपत्र तथा सहकारी संस्था मार्फत हुने अति आवश्यक सेवा प्रवाह गर्न दिने निर्णय गरे संगै शेयर कारोबार सुचारु हुन् लागेको हो ।
नेप्सेका प्रबक्ता मुराहरी पराजुलीले विद्यमान ब्यबस्थामा केहि परिमार्जन गरेर मंगलबारबाट शेयर कारोबार सुरु गर्ने निर्णय भएको बताए । उनले अर्को निर्णय नभएसम्म बिहान ११ बजेदेखि १ बजे गरी कुल २ घण्टा कारोबार गर्ने र सर्किट ब्रेकलाई २ प्रतिशत कायम गरेर कारोबार गरिने उनले बताए । जस अनुसार बजारमा २ प्रतिशत घटबढ भए त्यस दिनको लागि कारोबार बन्द हुने छ ।
प्रबक्ता पराजुलीले बजार खुलाउने बारे बिस्तृत जानकारी सहित नेप्सेले नोटिस जारि हुने बताएका छन् । शेयर कारोबार मंगलबारबाट सुरु हुने भएपनि नेप्सेको कार्यालय भने आइतबार बाट नै खुल्ने भएको छ ।
यस्तै बजारको सर्किट ब्रेकलाई २ प्रतिशत कायम गरेसंगै कम्पनीको मूल्यमा लाग्ने गरेको १० प्रतिशत सर्किट ब्रेकको नियम पनि केहि परिवर्तन हुन् सक्ने बताईएको छ ।
