आरएसडिसी लघुवित्तको २०० प्रतिशत हकप्रद सुरक्षित गर्ने आज भदौ १५ गते अन्तिम दिन रहेको छ । लघुवित्तले १:२ को अनुपातमा चालु चुक्ता पुंजीको २०० प्रतिशत हकप्रद निष्काशन गर्न लागेको हो ।
हकप्रद निष्काशन प्रयोजनार्थ लघुबित्तले भदौ १६ गते बुक क्लोज गर्ने निर्णय गरेकोले आज भदौ १५ गतेसम्म कायम शेयरधनीले मात्र हकप्रद भर्न पाउने छन् ।
अब लघुवित्तले सय रुपियाँ अंकित २३ लाख कित्ता हकप्रद निष्काशन गर्ने छ । एनआईबिएल क्यापिटल मार्केट्स लिमिटेड हकप्रद निष्काशनको लागि बिक्रि प्रबन्धक रहेको छ ।
लघुवित्तले चालु आर्थिक बर्षको तेस्रो त्रैमाससम्ममा १ करोड ५६ लाख खुद नाफा गरेको थियो । हाल कम्पनीको चुक्ता पुंजी ११ करोड ५० लाख रहेकोमा हकप्रद निष्काशनपछि चुक्तापुंजी ३४ करोड नाघ्ने छ ।