लुम्बिनी जनरल इन्स्योरेन्स Lumbini General Insurance Limited ले हकप्रद निष्काशनको लागि बुक क्लोज मिति तय गरेको छ । कम्पनीले शेयर निष्काशनको लागि असोज २७ गते सोमबार बुक क्लोज गर्ने जनाएको हो। असोज २६ गतेसम्म कायम शेयरधनीले मात्र हकप्रद भर्न सक्ने छन् ।
कम्पनीले १०:२ को अनुपातमा हकप्रद निष्काशन गर्न लागेको हो । कम्पनीले १७ लाख ६० हजार कित्ता शेयर निष्काशन गर्ने भएको हो । कम्पनीले हकप्रद निष्काशनको लागि सिबीआईएल क्यापिटललाई बिक्री प्रबन्धक नियुक्त गरेको छ ।
हाल कम्पनीको चुक्ता पुँजी ८८ करोड रहेकोमा २० प्रतिशत हकप्रदपछि कम्पनीको चुक्ता पुँजी एक अर्ब पाँच करोड ६० लाख पुग्ने छ।
