८८ किलो सुनतस्करीमा संलग्न भएको आरोपमा नेपाली कांग्रेसका नेता मानबहादुर तामाङ पक्राउ परेका छन । ८८ किलो सुन तस्करीमा मुख्य भूमिका खेलेका कांग्रेस नेता नेपाली एजेन्ट मानबहादुर तामाङलाई सोमबार महानगरीय प्रहरी महाशाखाको टोलीले तामाङलाई स्वयम्भूबाट पक्राउ गरेको हो ।
सुन काण्डमा पक्राउ परेका अन्य अभियुक्तले तामाङको सहयोगमा सुनतस्करीमा सहभागी भएको बताएपछि उनई प्रहरीले पक्राउ गरेको हो । प्रहरी टोलीले भदौ १९ गते बिहान क्षेत्रपाटीमा पार्किङ गरिरहेको अवस्थामा ८८ केजी सुनसहित चालक मनोज अधिकारीलाई नियन्त्रणमा लिएको थियो ।
पर्क्राउ परेका तामाङ नेपाली कांग्रेसको तर्फबाट प्रदेशसभाका रसुवाबाट समानुपातिक सिफारिसमा परेका छन् । उनी नेपाल–चीन केरुङ्ग व्यापार संघका अध्यक्ष समेत हुन् ।पक्राउ परेका तामाङलाई हिरासतमा राखी महाशाखाले अनुसन्धानअघि बढाएको छ।
