काठमाडौँको म्हैपीमा आज बिहान गोली चल्दा एक जना घाइते भएका छन् । बिहान ४ बजेतिर म्हैपी मन्दिर नजिक बाटामा अज्ञात समूहले गोली चलाउँदा गोरखा लाप्राकका कल्याण गुरुङ घाइते भएका हुन् ।
महानगरीय प्रहरी परिसर काठमाडौँका प्रवक्ता रामदत्त जोशीले गुरुङको खुट्टामा गोली लागेको जानकारी दिँदै शंकास्पद एक महिलासहित पाँच जनालाई नियन्त्रणमा लिएर अनुसन्धान भइरहेको बताए ।
पक्राउ पर्नेमा पुर्व श्रमराज्यमन्त्री टेकबहादुर गुरुङका भतिजा समेत रहेका छन् ।
सोह्रखुट्टेको सिएनआइ क्लबमा युवतीको बिषयमा भएको बिबादका कारण गोली चलेको प्रारम्भिक अनुसन्धानले देखाएको प्रहरीले जनाएको छ ।