रोल्पामा माओबादी केन्द्रका नेताहरु अोनसरी घर्ती, कृष्णबहादुर महरा र बर्षमान पुन चढेको गाडीलाई लक्षित गरी बम प्रहार भएको छ । लिवाङमा वाम गठबन्धनले आयोजना गरेको जनसभालाई सम्बोधन गर्न जाँदै गर्दा लिवाङ र सादोबाटोको बीचमा पर्ने भदौरे जंगलबाट उनीहरु चढेको गाडीलाई लक्षित गरेर अज्ञात समूहले बम प्रहार गरेको हो ।
उनीहरु फरक फरक गाडीमा रहेको र २ फरक बम बिस्फोट गराईएको बताइएको छ ।
घटनामा कुनै क्षति नभएको जिल्ला प्रहरी कार्यालय रोल्पाले जानकारी दिएको छ । बम प्रहार भए लगत्तै प्रहरीले भदाैरे भीरमा घेरा हालेर बम प्रहार गर्ने अज्ञात समूहको खोजी गरिरहेको छ ।