नेपाली कांग्रेसका बरिष्ठ नेता रामचन्द्र पौडेल सवार गाडीलाई लक्षित गर्दै बम प्रहार भएको छ । गोरखाबाट लमजुङ जाँदै गर्दा तनहुँको भानु नगरपालिका–१० मा पौडेलको गाडीमाथि कुकर बम प्रहार भएको हो ।
विस्फोटमा परेर पौडेल चढेको गाडीमा क्षति पुगेको छ। पौडेललाई स्कर्टिङ गरिरहेको प्रहरीको गाडीमा सवार एकजना प्रहरीलाई सामान्य चोट लागेको छ । नेता पौडेल भने सकुशल रहेको प्रहरीले बताएको छ ।
नेता पौडेल गोरखाको पालुङटारमा नेपाली कांग्रेस र नयाँ शक्ति नेपालले गोरखा–२ का उम्मेदवार डा. बाबुराम भट्टराईको पक्षमा आयोजना गरेको चुनावी सभालाई सम्बोधन गरी फर्कँदै दिए ।
