सर्बोच्च अदालतमा बम राखिएको हल्ला निराधार रहेको पाईएको छ । मंगलबार बिहान अचानक अदालत परिसरमा बम राखिएको हल्ला फैलिएको थियो । एक्कासी परिसरमा वम राखिएको हल्ला भएपछि इजलासहरु प्रभावित भएका थिए भने अधिबक्ताहरु तितरवितर भएका थिए ।
सर्वोच्च अदालतका प्रवक्ता नारायण पन्थीले पनि आफ्नो मोबाइलमा बम राखिएको सूचना आएको बताएका थिए। तर प्रहरीले सर्वोच्चमा बम राखेको कुरा हल्लामात्रै रहेको बताएको छ । काठमाडौं प्रहरी प्रमुख एसएसपी रवीन्द्रसिंह धानुकले सर्वसाधारणमा त्रास फैलाउन मात्र उक्त हल्ला फैलाइएको जानकारी दिए ।
प्रहरीले तालिम प्राप्त कुकर सहित सर्बोच्च परिसरमा खोजि गरेको थियो । खोजि गर्दा कहिँ कतै बम वा अन्य कुनै शंकास्पद बस्तु फेला नपरेको प्रहरीले बताएको छ । फोन कहाँबाट आयो र कसले गरेको हो भनेर प्रहरीले छानबिन गरिरहेको एसएसपी धानुकले बताए ।
