सम्पत्ति शुद्धिकरण सम्बन्धी मुद्दामा गुण्डा नाइके मिलन चक्रेले सफाई पाएका छन् । बुधबार विशेष अदालतले चक्रेलाई सफाइ दिएको हो ।
बुधबार न्यायाधीशहरु रत्नबहादुर बागचन्द चण्डीराज ढकाल र प्रमोदकुमार श्रेष्ठ वैद्यको संयुक्त इजलासले उनलाई सफाइ दिने फैसला सुनाएको हो ।
अर्थ मन्त्रालय मातहत रहेको सम्पत्ति शुद्धीकरण विभागले गुरुङसहित ५ जना गुन्डा नाइकेको सम्पत्तिबारे अनुसन्धान गर्दै २०७० जेठ ५ मा विशेष अदालतमा मुद्दा दायर गरेका थियो। गुरुङसहित दीपक मनाङे (राजीव गुरुङ), गणेश लामा, अभिषेक गिरी र पर्शुराम बस्नेत विरुद्ध एकै दिन अभियोगपत्र दायर भएको थियो। त्यसमध्ये मनाङेले पनि यसअघि नै सफाइ पाइसकेका छन्।
