फागुन २८ गते दुर्घटनाग्रस्त यु एस बांग्लाका क्याप्टेन आबिद सुल्तानकी श्रीमती अफसना खानमको मृत्यु भएको छ ।
बंगलादेशको अंग्रेजी अनलाइनले उनको आज शुक्रबार बिहान ९ बजे मृत्यु भएको जनाएको हो । विमान दुर्घटनापछि उनलाई ब्रेन स्ट्रोक भएको थियो । त्यसपछि उनलाई इन्स्टिच्युट अफ निउरोसाइन्स एण्ड हस्पिटल लागिएको थियो जहाँ उनको २ पटकसम्म सर्जारी गरिएको थियो । उनलाई अस्पताल लागेदेखि नै लाइफ सपोर्ट सिस्टममा राखिएको थियो ।
अस्पतालले उनलाई आज बिहान ९ बजे मृत्यु भएको घोषणा गरेको हो । अस्पतालले भनेको छ 'हामीले उनलाई बचौं धेरै कोशिस गरेका थियौ, तर उनलाई आज बिहान कार्डिएक अरेस्ट भयो, त्यसपछि हामीले केहि गर्न सकेनौ' ।
फागुन २८ गते बंगलादेशबाट नेपाल उडेको युएस बंगला एयरलाईन्स फ्लाइट बिएस २११ त्रिभुवन अन्तराष्ट्रिय विमानस्थलमा अवतरणको क्रममा दुर्घटनाग्रस्त हुँदा ४९ जनाले ज्यान गुमाएका थिए । दुर्घटनामा क्यापटेन आबिदको पनि निधन भएको थियो । पाइलट अविद सुल्तान र उनका चारै जना क्याविन सदस्यहरुको यु.एस.–बङ्ला विमान दुर्घटनामा मृत्यु भएको हो । दुर्घटनामा २२ नेपाली ,२६ बंगलादेशी नागरिक र एक चिनियाँ नागरिकको पनि मृत्यु भएको थियो ।