सिन्डिकेट तोड्न सरकारले रुट इजाजत खुला गरेपछि आक्रोसित बनेका यातायात व्यवसायीहरु एकजुट भएर आँन्दोलनको आन्दोलनको घोषणा गरेका छन् । व्यावसयीहरुले आन्दोलनबाटै सरकारलाई घुँडा टेकाउने दाबीसमेत गरेका छन् ।
यातायात व्यवस्था विभागले चैत १८ मा यातायात व्यवस्था कार्यविधि निर्देशिका संशोधन गरेर देशभरका सडकमा रुट इजाजत खुला गर्ने निर्णय गरेको थियो । यो यातायातमा कायम सिण्डिकेट तोड्न महत्वपूर्ण कदम मानिएको छ ।
तर, नेपाल यातायात व्यवसायी राष्ट्रिय महासंघको परिषद् भेलाले नयाँ व्यवस्था खारेजको माग गरेको छ । यसका लागि हदैसम्मको आन्दोलनमा उत्रने निर्णय भएको महासंघका महासचिव सरोज सिटौलाले जानकारी दिए ।