नेपाल–बंगलादेश सिधा बस सेवा सञ्चालन हुने भएको छ । बंगलादेशको राजधानी ढाकाबाट काठमाडौंका लागि दुई बस छुटेका छन् ।
सन् २०१५ जुन १५ मा बंगलादेश–भुटान–भारत–नेपालबीच यातायात सञ्चालन गर्ने (बिबिआईएन) सम्झौता भएको थियो । बंगलादेश रोड ट्रान्सपोर्ट कोर्पोरेसनका अध्यक्ष फरिदउद्धिनको नेतृत्वमा तीन देशका ८० जना डेलिगेटहरु दुई वटा बसमा काठमाडौंका लागि हिँडेका छन् । सोमबार बिहान ढाकाबाट हिँडेका ती २ बस बिहीबार काठमाडौं आइपुग्नेछन् । अहिले परीक्षणका लागि मात्रै ती बस नेपाल हिडेका हुन् । बंगलादेशको राजधानी ढाकाबाट छुटेका ती बस बंगलादेशको बंगबन्धु हुँदै भारत–बंगलादेश सीमा फूलबारी भएर सिलिगुडी हुँदै करिब एक हजार एक सय किलोमिटर सडक पार गर्दै काँकडभिट्टाबाट नेपाल प्रवेश गर्नेछन ।
तस्विर : डेली स्टार
