नेकपा एमाले र माओवादी केन्द्रबीच एकता भएर बनेको नेपाल कम्युनिष्ट पार्टीले निर्वाचन आयोगमा दल दर्ता गराई पाउ भनेर निवेदन दर्ता गराएका छन् । दल दर्ताको निवेदन दर्ता गर्नको लागि नयाँ पार्टीका अध्यक्षद्वय केपी ओली र प्रचण्डसहितका शिर्ष नेताहरु आयोग पुगेका थिए ।
एकिकृत पार्टीको नाम ‘नेपाल कम्युनिष्ट पार्टी’ राख्ने सहमति भएपनि त्यो नामको पार्टी पहिले नै आयोगमा दर्ता छ । सोहि कारण दल दर्ताका क्रममा ‘नेपाल कम्युनिष्ट पार्टी’लाई अण्डरलाइन गरेर निवेदन दिइएको छ ।
दल दर्ताको प्रस्तावमा नै पार्टीको नाममा अण्डरलाइन गरिएकाले कानुनी रुपमा कुनै समस्या नआउने नेता सुवासचन्द्र नेम्वाङले बताएका छन् ।