बजेटले स्वदेशी उद्योगहरुलाई संरक्षण गरेको भएपनि दैनिक उपभोग्य खाद्यबस्तुहरुमा भने बजेटले नकरात्मक प्रभाव पार्ने व्यवसायीहरुले बताएका छन् । यसका कारण यी वस्तुको मूल्य बढ्ने नेपाल चामल तेल दाल उद्योग संघले जनाएको हो।
तोरीको तेलमा ४० प्रतिशत मूल्य अभिबृद्धि सुबिधा दिईदै आएकोमा बजेटले उक्त कर हटाएको र तोरीको गेडा आयातमा लाग्दै आएको भन्सार शुल्क १ प्रतिशतबाट ५ प्रतिशत पुर्याएको (४ सय प्रतिशत भन्सार महसुल वृद्धि गरेकोले ) मूल्य बढ्ने संघले जनाएको हो । संघले प्रति लिटर तेलमा १५ रुपैयाँसम्म बढ्न सक्ने जनाएको छ । त्यस्तै तोरीमा भारत आत्मानिर्भर भएको र भारतमा ५ प्रतिशत मात्र जीएसटि रहेकोले भारतबाट अनधिकृत रुपमा तेल भित्रने पनि संघले जनाएको छ ।
यस्तो छ संघको बिज्ञप्ति ।