निर्मला हत्या प्रकरणमा विवादित बनेका एसपी डिल्लीराज विष्ट, उनका छोरा किरण विष्ट र भिमदत्त नगरपालिका (महेन्द्रनगर)का मेयर सुरेन्द्र विष्टका भतिजा आयुष विष्टको डीएनए रिपोर्ट सार्बजनिक छ। प्रहरी र त्रिवि शिक्षण अस्पताल महाराजगञ्जको संयुक्त टोलीले गरेको परिक्षणमा डीएनए नमिलेको रिपोर्ट आएको छ ।
निर्मलाको ‘भेजिनल स्वाब’ बाट डेभलप गरेको डिएनए प्रोफाईलसँग डीएनए म्याच गरिएको थियो ।
सुरुमा मुख्य आरोपित भनेर पक्राउ गरिएका दिलिप बिष्टको डीएनए रिपोर्ट नमिलेपछि छानविन टोलीले यी ३ माथि अनुसन्धान सुरु गरेर डीएनए परिक्षण गरेको थियो। तर कसैको पनि डीएनए नमिलेपछि घटना थप रहस्यमय बनेको छ।
गृहमन्त्री रामबहादुर थापाले यस अघि नै घटनाका महत्वपूर्ण प्रमाणहरु नष्ट गरिएको पाईएको बताएका थिए ।
साउन ११ गते कञ्चनपुरमा निर्मलाको वलात्कारपछि हत्या भएको थियो । यद्यपी उक्त घटनामा संलग्नको अझै पहिचान हुन सकेको छैन ।