छिमेकि मुलुक भारतमा पेट्रोलियम पदार्थको मूल्य घटेको छ । भारतमा पेट्रोलमा प्रति लिटर २२ पैसा र डिजलमा प्रति लिटर २३ पैसा कटौती गरिएको हो । यस कटौतीसंगै भारतमा पेट्रोल सन् २०१८ कै न्यून मूल्यमा आएको छ भने पेट्रोल ९ यता कै कम मूल्यमा झरेको छ ।
टाइम्स अफ इण्डियाका अनुसार मूल्य कटौतीपछि राजधानी नयाँ दिल्लीमा पेट्रोलको मूल्य प्रति लिटर भारु ६९.०४ रुपियाँ कायम भएको छ भने डिजेल प्रति लिटर भारु ६३.०९ रुपियाँ कायम भएको छ । समाचारमा जनाईए अनुसार भारतमा अक्टोबर १८ यता पेट्रोलको मूल्य १३.७९ रुपियाँ घटिसकेको छ । त्यस्तै पछिल्लो साढे २ महिनाको अवधिमा डिजेलको मूल्य १२.०६ रुपियाँले घटेको छ ।
भारतमा मूल्य समायोजन भए पनि नेपालमा भने सोहि अनुसार समायोजन हुन सकेको छैन । नेपाल आयल मिगमले पछिल्लो पटक पुस १८ गते मूल्य समायोजन गरेको थियो । जस अनुसार हाल पेट्रोल प्रति लिटर १ सय १० र डिजेल तथा मट्टितेल ९७ रुपैयाँ प्रतिलिटर कायम भएको छ । भारतले पठाएको मूल्य सुची अनुसार नेपालमा मूल्य समायोजन हुदै आएको भएपनि भारतमा घटेको अनुपातमा नेपालमा मूल्य घट्न सकेको छैन ।