जागरुक युवा अभियान नेपालले अहिलेसम्म कै ठुलो नेपाली टोपी प्रदर्शन गरेको छ । छैठौं टोपी दिवसको अवसर पारेर अभियानले माइतीघर मण्डलामा ठुलो टोपी सार्बजनिक गरेको हो । बिगत भन्दा यस बर्ष केहि फरक गर्ने र कार्यक्रमलाई मौलिकता प्रदान गर्न ठुलो टोपी प्रदर्शन गरिएको अभियानका अभियन्तारुले बताएका छन् ।
टोपी दिवसको अवसरमा माइतीघरदेखि बानेश्वरसम्म र्यालीको समेत आयोजना गरिएको थियो । जागरुक युवा अभियानले प्रत्येक बर्ष अंग्रेजी नयाँ बर्षको दिनलाई टोपि दिवसको रुपमा मनाउँदै आईरहेको छ । जागरुक युवाले यस बर्ष ‘नेपाली टोपी हाम्रो गौरव,हाम्रो पहिचान’ भन्ने नाराका साथ यस बर्षको टोपी दिवस मनाएको हो ।
गणतन्त्रको आगमनसँगै दौरा सुरुवाल र टोपीलाई राष्ट्रिय पोशाकको सूचिबाट हटाएपछि अभियन्ताहरुले यसलाई पुनर्स्थापित गर्न कार्यक्रम मार्फत सरकारलाई दबाब दिएका हुन् ।