दिपक मनाङ्गे भनिने राजीव गुरुङले गण्डकी प्रदेशको प्रदेशसभा सदस्यको शपथ ग्रहण गर्न नपाउने भएका छन् । आइतबार सभामुख नेत्रनाथ अधिकारीले बोलाएको सांसद परामर्श समितिको बैठकमा कानुनी विषय नटुंग्याई शपथ गराउन नहुने सुझाब आएपछि तत्काललाई उनको शपथ ग्रहण रोकिएको हो ।
मनाङ प्रदेश सभा सदस्य अन्तर्गत क्षेत्र नम्बर ‘ख’ बाट निर्वाचित गुरुङ ज्यान मुद्दामा दोषी ठहरिएर जेल चलान भएपछि उनको शपथ रोकिएको छ । उनले पुस ११ गते प्रदेश सभा सदस्यको हैसियतले शपथ खान पाऊ भनी प्रदेश सभा पुगेर निवेदन दर्ता गरेका थिए ।